20 Sentyabr Azərbaycanda Dövlət Suverenliyi Günü kimi qeyd olunur.

Bu əlamətdar tarix 2023-cü il sentyabrın 19–20-də keçirilmiş lokal xarakterli antiterror tədbirləri nəticəsində Azərbaycanın bütün ərazisində dövlət suverenliyinin tam bərpa olunması ilə bağlıdır.

1991-ci ildə dövlət müstəqilliyini bərpa edən Azərbaycan qarşısında ərazi bütövlüyünün və suverenliyinin təmin edilməsi mühüm vəzifə kimi dayanıb. 2020-ci il Vətən müharibəsi nəticəsində ərazi bütövlüyünün böyük hissəsi bərpa edilib, 2023-cü il sentyabrın 20-də isə dövlət suverenliyinin bütün ölkə ərazisində tam təmin olunması ilə bu tarixi proses başa çatıb.

Prezident İlham Əliyevin 19 sentyabr 2024-cü il tarixli Sərəncamı ilə sentyabrın 20-si Azərbaycanda Dövlət Suverenliyi Günü elan edilib.

Dövlət Suverenliyi Günü Azərbaycanın müstəqillik və dövlətçilik tarixində mühüm yer tutur, milli həmrəyliyin və dövlətçilik dəyərlərinin möhkəmləndirilməsinə xidmət edir.