Gəncə Şəhər İcra Hakimiyyətinin başçısı Niyazi Bayramov “Bakı Abadlıq Xidməti” MMC-nin və Aparatın məsul əməkdaşları ilə birlikdə Ekoloji Park Kompleksinə, Xan Bağına və şəhərin Cavadxan küçəsinə baxış keçirib.

Məlumat verilib ki, şəhərin parklarında, xiyabanlarında və digər ictimai istirahət məkanlarında mütəmadi olaraq təmizlik, yaşıllaşdırma, mövsümi gül və dekorativ bitkilərə qulluq, ağacların budanması və suvarılması, ot örtüyünün biçilməsi və digər işlər həyata keçirilir. Eyni zamanda, park və istirahət məkanlarında yerləşən oturacaqların, işıqlandırma sistemlərinin, səki örtüklərinin və digər avadanlıqların təmir-bərpası aparılır, şəhər sakinləri və qonaqların rahat istirahətinin təmin olunması məqsədilə abadlıq tədbirləri davam etdirilir.

Məkanlara baxış keçirdikdən sonra şəhər rəhbəri aidiyyəti üzrə müvafiq tapşırıq və tövsiyələrini verib.

Bununla yanaşı, Niyazi Bayramov şəhər sakinləri ilə görüşərək onlarla səmimi söhbət aparıb, müraciət və təkliflərini dinləyib.