Sənaye və Texnologiyalar üzrə Gəncə Dövlət Peşə Mərkəzində təşkil olunan görüşdə qeyri-formal məşğulluğun qarşısının alınması ilə bağlı qanunvericiliyin təqdim etdiyi imkanlar və tətbiq olunan sanksiyalar müzakirə edilib. İclasda həmçinin işsizliyin azaldılması məqsədilə işaxtaran və işsiz şəxslərin qısa müddətdə əmək bazarının tələblərinə uyğun ixtisaslı kadr kimi hazırlanmasında peşə hazırlığının rolu vurğulanıb.

Qeyd edək ki, toplantıda Gəncə Şəhər İcra Hakimiyyəti başçısının müavini Adil Tağıyev, Dövlət Məşğulluq Agentliyinin Gəncə-Daşkəsən filialı, Dövlət Sosial Müdafiə Fondu PHŞ-in Gəncə-Daşkəsən regional filialı və Dövlət Əmək Müfəttişliyi Xidmətinin regional şöbəsi iştirak ediblər.

Xatırladaq ki, bu istiqamətdə maarifləndirmə tədbirləri davam etdiriləcək.