Məlum olduğu kimi, Gəncədə Azərbaycan Xalq Cümhuriyyətinin baş naziri Nəsib bəy Yusifbəylinin bacısı nəvəsi Rəfat Cuvarlinski vəfat edib. Bununla əlaqədar Gəncə Şəhər İcra Hakimiyyətinin başçısı bələdiyyə sədrləri və Aparatın məsul əməkdaşları ilə birlikdə mərhumun ailəsini ziyarət edib.

Şəhər rəhbəri Rəfat Cuvarlinskinin ailə üzvlərinə dərin hüznlə başsağlığı verib, onlara Allahdan səbr diləyib.

Qeyd edək ki, mərhum uzun illər Gəncə şəhəri üzrə Avtomobil Nəqliyyatı və Yol Təsərrüfatı İşçiləri Həmkarlar İttifaqının sədri vəzifəsində çalışıb.

Rəfat Cuvarlinski Gəncənin qədim Səfərabad məhəlləsində yerləşən, XIX əsrdə inşa olunmuş və Yusifbəylilər nəslinə məxsus evdə yaşayırdı.