Türkiyənin Gəncədəki Baş Konsulluğu tərəfindən Azərbaycan və Türkiyəli bir qrup tələbə üçün iftar süfrəsi təşkil edilib. Tədbirdə Gəncə Şəhər İcra Hakimiyyətinin başçısı Niyazi Bayramov, Türkiyənin Gəncədəki Baş konsulu Recep Öztop, İcra Hakimiyyəti başçısı Aparatının, Konsulluğun və ADAU-nun məsul əməkdaşları, o cümlədən tələbələr iştirak ediblər.

Tədbir zamanı rəsmilər müqəddəs Ramazan ayının mənəvi dəyərlərindən, birlik və həmrəylik ruhundan bəhs edərək iştirakçıları bu mübarək ay münasibətilə təbrik ediblər. Çıxışlarda Azərbaycan və Türkiyə arasında qardaşlıq münasibətlərinin əhəmiyyəti vurğulanıb, gənclərin bu əlaqələrin daha da möhkəmlənməsində xüsusi rol oynadıqları qeyd olunub.

Sonda tələbələrlə səmimi söhbətlər aparılıb, onlara təhsillərində uğurlar arzulanıb.